ПЕРЕДМОВА
О ЛЂКАР(Ъ)СТВАХЪ
Чловεкъ хорыи своε здровA хцε лЂкарство(м) спεрти,
A лЂкар(с)тво часто быва(т) причиновъ ко смεрти.
ЛЂпшε дати своε здровA лЂчити поволи,
Добра ε(ст) рЂчъ вытырвати, хоц(ъ) тεжъ значно боли(т).
Бо наглоε лЂкарство нагло тεжъ и вдуси(т),
Кто, мовA(т), нагло тAгнε, урватисA муси(т) 1. /202/
КНИГА ЛЂЧЕБН[А]A Ω(T) МНОГИ(Х) ЛЂКАРСТВЪ
ЗЂлA галганъ. Галганъ 2 зЂлA ε(ст) тεпло, и сухо, и ужитεчно, а маε(т) много моци. А̃ [1] моць: ґды кто хочε(т) кровъ пущати, а 3 тогды возми галгану в ротъ свои, тεды своεю моцію вы(с)сεтъ лихую кро(в) изъ чл̃вка, а добрую ωставлAεтъ. В̃ [2] моць: коли εго кто ястъ порану, ґды кому смεрди(т) 4 изо р(ъ)та любо из(ъ) зубовъ, уздоро(в)лAε(т) нεмощъ тую из зубовъ 5. Г̃ [3] моць: из вино(м) стол(ъ)кши, порану пити, нεмощный жолудокъ 6 по(т)вεр(ъ)жаε(т). Д̃ [4] моць: коли би споран(ъ)ку εго илъ чл̃овεкъ и по(д) языко(м) дεр(ъ)жалъ, тогды εго слова 7 сутъ в(ъ)дAчны людε(м). Є̃ [5] моць маεтъ: коли εго порану чл̃вкъ истъ, а другую половину части, соз(ж)ваши 8 з віномъ, помазалъ тЂло, то ε(ст) що подлA ωчи(й), вы(ш)шε ягоды, ω(т) оуха и тЂмA, пεрεстанε(т) боль головныи 9. S̃ [6] моцъ маε(т): коли бы εго порану и з вεчεра илъ и в(ъ)о р(ъ)тЂ трімалъ, тогды ω(т)жεнεтъ, нε будε искажεнъ.
1 На полі з правого боку: «Koniec».
2 У рукопису слово підкреслене.
3 На полі з правого боку «кро(в)».
4 На полі з правого боку «смро(д)».
5 Літера б виправлена з в.
6 На полі з правого боку «жолу(д).».
7 На полі з правого боку «мова».
8 Мабуть, треба «соз(ж)вавши».
9 На полі з правого боку «голо(в).». \93\
О имбεри. Им(ъ)бЂрЂ /203/ ИмбεрЂ εстъ тεплоε и мокръ а тую мо(ц) маεтъ: кто εго порану и(ст), то εму вычищаε(т) пεр(ъ)си ω(т) флAґы 1 и всю лихую c пεр(ъ)си выганAε(т) рεчъ, котраA в(ъ) жолудку ε(ст). В̃ [2] моць: коли εго кто истъ порану и вεчεръ, таковому флЂґму травитъ и ωчи ωсвЂщаεтъ. Г̃ [3] моцъ: кто εго истъ порану и по вεчεру, кому жолудокъ 2 зазноблεнъ, то запрЂваε(т) и ωздоровлAε(т). Д̃ [4] моцъ: кто εго з вино(м) піεтъ, зε мши(м) 3, чистымъ, в(ъ) сЂмA, кости и болεсти ω(т) пεр(ъ)сіи выгонітъ и ωхоту до идЂнA даε(т). Є̃ [5] мо(ц): ґды на малии частки подробы(т) имбεръ и пролыґаεтъ, то жолудокъ нεмощныи оулЂчаεтъ и вычищаεтъ.
Мушкатεль 4 тεпло и мокро маεть, алε оулЂчуεтъ. Сила: кто εго порану истъ, таковому голову 5 уздор[о]влAε(т), уражаную пітіεмъ, любо сA умножила вεлікая нεчістота. В̃ [2] мо(ц): ґды бы εго кто илъ порану, [з] сюлю змЂшавши, болAчεε ср(д)цε 6 злЂчуε, албо ґды сA пεрεстраши(т) ω(т) кого, албо мло будε(т) на сεр(д)ци, ω(т) такой нεмочи, и всЂ мокроты, и болεз(ъ)ни ωколо ср(д)ца выганAε(т). Г̃ [3] моцъ: кто /204/ кто єго ужіваε(т), вшелAкіи смра(д) з головы изганAεтъ. Д̃ [4] моць: цвЂтъ мушкаталовыи из віномъ пити, ср(д)цε 7 оуздоровлAεтъ болному и оуранεн(ъ)ному чл̃вку болю до ср(д)ца нε допущаεтъ.
Гвоздики 8 имаю(т) сухо и мокро, порану ихъ трεба уживати длA по(д)вεржεнA мозґа, и смра(т) из головы ω(т)ганAεтъ, и ωздоровлAε(т). В̃ [2] мо(ц): з віномъ ґвозъдsЂки пити, то голосъ 9 тон(ъ)кіи, и см(ъ)сра(т) [!] из(ъ) устъ выганAεтъ.
Цинамунъ 10 сухо и тεпло. Кто εго порану часто зажіватъ, ω(т) кашлю 11 улЂчаε(т), и тAготу c пεрси выганAε(т), и мозокъ в(ъ) голо†улЂчуεтъ, ωчо(м) 12 лεхко додаε(т), сипливость з горла выпужаεтъ. И кто цинамонъ из(ъ) пшεнічны(м) хлЂбо(м) часто истъ, голову ω(т)ворAεтъ εму.
Цитваръ 13 тεплоту маεтъ. Кто εго ис(т)ъ спора(н)ку, таковому флAґму 14 ω(т) пε(р)сіи чи(с)титъ. В̃ [2] мо(ц): застарЂлую нεмочъ в жолудку, εстъ нεстравъного, то изтравитъ и чиститъ жолодокъ 15. Г̃ [3] мо(ц): застарЂлую нεмощъ в жолудку улЂчуεтъ и болAчки 16 выганAεтъ, а порану заживати εго.
1 На полі з лівого боку «флAг(м).». У рукопису слово підкреслене.
2 На полі з лівого боку «жолу(д).».
3 Так у рукопису.
4 У рукопису слово підкреслене.
5 На полі з лівого боку «гла(в).».
6 На полі з лівого боку «сεрцε.»
7 На полі з правого боку «сεрцε».
8 У рукопису слово підкреслене.
9 На полі з правого боку «голо(с)».
10 У рукопису слово підкреслене.
11 На полі з правого боку «кашε(л)».
12 На полі з правого боку «ωчи».
13 У рукопису слово підкреслене.
14 На полі з правого боку «флАґ(м).». У рукопису слово підкреслене.
15 Так у рукопису.
16 На полі з лівого боку «болА(ч).». \94\