Заклинания Василия Великого.

[АРМИНА]

Заклинания Василия Великого на изгнания демонов.

Заклинания Василия Великого предназначены для отчитки бесноватых. Читать можно стоя за спиной человека, держа распятие чуть выше шеи. А также читку можно проводить стоя перед одержимым. В этом случае распятие держат на лбу болящего. Любую очитку что бы не случилось нельзя прерывать. Дочитывают до конца.
Первое.

Заклинаю тя злоночальника хульного, начальника сопротивнаго восстания. И сомодетеля лукавства, заклинаю тя низверженного от горняго светоношения, и во тьму глубины низведанного возношения ради, заклинаю тя, и всю ниспадшую силу последовательную твоего произволения. Заклинаю тя, душе нечистый, Богом Саваофом, и всем воинством Ангел Божих, Адона Элои, Бога Вседержителя, изыди и разлучися от раба Божия ( имя): заклинаю тя Богом, словом вся создавшим, и Господом нашим Иисусом Христом, единородным Сыном его, прежде век неизреченно, и безстрастно от него рожденным, видимую же и невидимую тварь соделавшим, по образу своему человека создавшим, законом первее естественнее сея детоводившим, и ангельским приставлением сохраншим, водою согрешение выше потопившим,и поднебесныя бездны разустившим, и гиганты нечествовавшия растлевшим. И столп скверных разстрясшим, и землю Содомов и Гоморов огнем жупельным испепелившим, его же свидетель дым неугасимый курится: жезлом море раздельшим, и люди ногами не мокрыми проведшим,и мучителя фараона, и воинство богоборное, во веки волнами нечестия брань потопившим: в последняя от Девы чистыя воплотившимся неизреченно, и целы печати чистоты сохранившим: омыти крещением древнюю нашу скверну благоизволившим, ею же мы преступлением осквернихомся.

Заклинаю тя крестившимся во Иордане, и образ нам нетления в воде по благодати подавшим: его же ангели и вся силы небесныя удивишася, воплощена Бога смирившагося зряще : егда безначальный Отец, безначальное рождество сыновнее откры, и Святого Духа схождение, троическое единство свидетельствова.

Заклинаю тя оным, ветру запретившим, и бурю морскую укротившим, полк демонский отгнавшим, и зеницы очныя от уробы лишенныя, брением слапые прозрети соделавшим и древнее рода нашего создание обновившим, и немыя глаголати исправившим, струпы проказ очистившим, и мертвыя от гробов воскресившим, даже до погребения человеком беседовавшим, и все человечество необято смертию устроившим.

Заклинаю тя Богом Вседержителем, богодухновенным гласом человеки вдохнувшим, и апостолом содействовавшим: и всю вселенную благочестия исполнившим: убойся, бежи, бежи, разлучися демоны нечистый и скверный, преисподний, глубинный, льстивый безобразны, видимый безстудия ради, невидимый лицемерия ради, и деже аще еси, или отидеши: или сам еси веелзевул , или сотрясаясь, или змиевидный, или звероличный, или яко пара, или яко птица, или нощедлагольник, или глухий, или немый, или от нашествия усташаяй, или растерзаяй, или наветуяй, или во сне тяжце, или в недузе, или в язве, или в смесе скоктаяй, или слезы любосластныя творяй, или блудный, или злосмрадный, или похотный, или сластотворный, или отраволюбивый, или любонеистовный, или звездоволхвуяй, или домоволшебник, или безстудный, или любопрительный, или непостоянный, или с месяцем пременяяйся, или временем неким сообращайся, или утренний, или полуденный, или полуночный, или безгодия некоего, или блистания, или по случаю сретелся еси, или от кого послан еси, или нашел еси внезапу, или в мори, или в реце, или от земли, или из гладязя, или от стремнины, или от рова, или от езера, или от трости, или от вещества, или от верху земли, или от скверны, или от луга, или от леса, или от древа, или от птиц, или от грома, или от покрова банного, или от купели водны, или от гроба идольского, или отнюдуже вемы, или не вемы, или от знаемых, или от незнаемых, и от непосещаемого места, отлучися и преминися, устыдися образа рукою Божиею созданного, и воображенного: убойся воплощенного Бога подобия, и не сокрыйся в рабе Божием (имя)во жезл железный , и пещь огненная, и тартар, и скрежет зубней, отмщение преслушания тебе ожидает. Убойся, умолкни, бежи, невозратися, несокрыйся со инем лукавством нечистых духов: но отъиди в землю безводную, пустую, неделанную, на ней же человек не обитает: Бог един призирает связаяй всех уязвляющих, и слосоветующих на образ его, и веригами мрака, тартару предавый, в долгую нощь и день, тебе всех злых искусителя и изобретателя диавола. Яко велий есть страх Божий, и велия слава Отца и Сына и Святого Духа, ныне и присно и во веки веков. Аминь.